يا ماما ركزى وانت بتدعيلى

,  ماما دايما بتدعيلي دعوات على مزاجها , ملهاش أي علاقة باللي انا فعلا عايزاه 

 يعني مثلا أكون مزنوقة في قرشين و أقولها يا ماما أدعيلي ربنا يفك زنقتي , تقوم تدعيلي مثلا بإبن الحلال

 أو أقولها أدعيلي ربنا يوفقني مثلا في اجتماع مهم في الشغل  تدعيلي مثلا ربنا يوقفلي في طريقي ولاد الحلال.

 كله حاجات من النوع ده لحد ما قلت خلاص هي مع نفسها بقى , تدعي على كيفها وانا  أدعي على كيفي

كل ده عادي, 

الجديد بقى ان من كام شهر كده بقى في دعوة جديد , "ربنا يحبب فيكي خلقه" .

 الصراحة , الدعوة حلوة ,
 و حبيتها.
 أصل حب الناس نعمة من ربنا ,
 و بعدين حد يكره الناس تحبه؟

 كل حاجة في الدنيا بتمشي اسهل لما الناس تحب الواحد . 

قلت ماشى ,

 الحمد لله برده ,

 مافيش احسن من دعوة الأم.

 لكن النهارده , قبل ما انزل من البيت , أمي قلتهالي تاني.

 و نزلت و عملت الى ورايا و جيت على اخر اليوم بستنا تاكسى
 ظهرلي  من تحت الأرض واحد شكله شحات,

 قلت ماشي , أمرنا لله و طلعت الخمسة جنيه من المحفظة علشان اديهله 

وظهرت المعجزة , الراجل رفض الخمسة جنيه !!

 ايون 

, تصوروا ,

 شحات يرفض الفلوس , عيشنا و شوفنا .

 المهم , بص لي بإبتسامة و قالي " تسمحيلي لو سمحتي"

 وقبل ما أنطق اصلا, الراجل كمل 

"أنت جميلة أوي "و ابتسم تاني و كمل

 "معلش , انا اسف , انا كان لازمة اقولها "

 طبعا انا اتثبت و معرفتش اقول حاجة 

, فمشيت.

 بس الموقف طبعا خلاني افكر في أمي و دعواتها.

 لما وصلت البيت ابتسمتلها و قلتلها

 "و النبي بس يا مامتى , لما تدعي ربنا يحبب فيا خلقه , ابقي حددي انه خلق بالضبط